ဤသို့အာဇနည် (သံခဲတိုင်) ပုဂ္ဂိုလ်ကြီးများပင်လျှင် ဗြူရိုကရက်တို့၏ သြဇာဖုံးလွှမ်းခြင်းကို ကြံ့ခိုင်စွာ မခံနိုင်ကြခြင်းကြောင့် အရည်အချင်းနှင့်ပညာဥာဏ်ကအစ ပျက်ပြားဖောက်ပြန်ခြင်းရှိကြရလျှင် မြန်မာအမျိုးသားတို့မှာ အဘယ်သို့ ရှိကြလေအံ့နည်း။
သို့ကြောင့် မြန်မာမျိုးချစ်အပေါင်းတို့က ဤသို့အဆိပ်မွှမ်းသော ညွတ်ကွင်း လှောင်အိမ်သို့ မဝင်ကြဘဲ ကြံ့ကြံ့ခံ၍ ငြင်းဆန်ထိုက်ထိုက်လှပေသည်။
မြန်မာလူကြီးလူကောင်းတို့သည် ဗြိတိသျှတို့က ပြည်သူကို လွတ်လပ်ခွင့်ပေး၍ အုပ်ချုပ်ခြင်း၊ သာမာစာရ တရားဓမ္မ၌ ညောင်းခြင်းတို့ကို ယုံကြည်အားထားကြရန် ရှေးအစဉ် မွေးဖွားစကပင် သက်ဝင်ယုံကြည်ခဲ့ကြပေသည်။
ယခုခေတ်အလိုက် နောက်သားလူငယ်တို့ နိုးကြားထင်ရှားကြသည့်နည်းကား၊ ထိုလူဟောင်းကြီးတို့၏သဘောတွင် ကြမ်းတမ်းရုန်းရန်းကြသည်ဖြစ်၍ မကြိုက်ဝံ့မလိုက်ဝံ့ရှိကြပေသည်။
ယခုအမျိုးသားခေါင်းဆောင်တို့မှာ ထိုရှေးဟောင်းလူကြီးများကဲ့သို့မဟုတ်။
ခေတ်အလျောက်နား၊ မျက်စိဖွင့်၍ သိကြားမြင်မြော်နိုင်ကြသော သတ္တိစွမ်းရည်ရှိကြပေသည်။ ဤသိုပလျှင် ကျေးဇူးထူး၍ အကျိုးများချေသည်။
ယခုခေတ်သစ်တွင် ကျရောက်ဖွားမြင် နေ့စဉ်ကြားသိမှတ်သားကြရသော ဗဟုသုတဖြင့် ဒီမိုကရစီခေတ်ကြီး၏ အကျိုးထူးကား အားထားရှိကြရသည့် အခိုက်အခါ လသာတုန်းဗိုင်းငင် ဆိုသောစကားအရ ဇာတိမာနတို့ ဖြိုးလျှံတောက်ပစေလျက် သူရသတ္တိကို စွဲမြဲစွာလက်ကိုင်ထားပြီး လျှင် ကေသရာဇာခြင်္သေ့တို့၏ အတုအမူကိုယူလျှက် ရှေ့သို့စိုက်စိုက် အဖိုးထိုက်လှစွာသော လွတ်လပ်ရေးအောင်ပန်းသို့ ခြေလှမ်းမဆုတ် စိတ်မကြုံဘဲ ကြိုးစားဆောင်ရွက် ကြဘိလော။
ယင်းသို့မှသာလျှင် မြန်မာသားတို့၏သွားလမ်းပွင့်ချေတော့မည်။
No comments:
Post a Comment